FINANCE

由拍拖到開花結果,要使幾多錢?香港戀愛 結婚 成本大搜查

朋友聚會,有伴侶嘅總會埋怨戀愛種種麻煩事,呢啲麻煩事,絕大部分都係環繞相處模式同金錢。無論你而家有伴侶,定仲係單身,你有冇諗過,談一場戀愛,由拍拖到 結婚 開花結果,其實要使你幾多錢呢?等MoneyHero.com.hk幫你計算一下啦!

而無論你係處於感情路上嘅任何階段,而家都可以參加我哋一個有關香港人對婚姻價值觀嘅問卷調查,分享你哋嘅戀愛結婚開支,有機會總值超過$200,000嘅禮品!

男人就係想搵個陪佢捱老麥嘅女人:香港的約會成本

約會嘅嘢,有平有貴,對好多男性嚟講,其實就係喺度搵緊一個肯陪佢食麥當勞嘅女人。唔係有錢冇錢嘅問題,男性只係想搵個體諒、知慳識儉、可以同甘共苦嘅女人。但你又知唔知,係香港嚟一次Cheap Date,其實要使幾多錢?

德意志銀行每年都會有一個全球嘅Cheap Date Index,以一籃子Package,包括的士錢、2張戲飛、麥當勞價錢,同飲番兩杯嘅價錢,綜合了不同地區平價約會嘅開支。2015年香港嘅Cheap Date價錢,係USD$70.1,計落港幣都差唔多$500一次,對比起2014年的數字(USD$60.2),貴咗差不多港幣$100!唔怪得愈來愈多人話拍拖、結婚買樓同過有質素嘅生活,好難三者兼得啦。(資料來源:FT Alphaville

不過話說回來,先唔好理平均收入有幾多,香港Cheap Date嘅開支,其實同加拿大渥太華差唔多,又比絕大多數國際大城市,例如紐約、倫敦、東京、巴黎、柏林便宜,喺香港想用Cheap Date開展戀情,其實還OK負擔得嚟。其實Cheap Date唔係代表Cheap,只係反映咗大家可以好又一餐,唔好又一餐,咁嘅關係可能仲長久!

香港結婚開支要多少?

拍得幾年拖,大家都會諗住拉埋天窗。先唔好諗住買樓咁大想頭,單單要結個婚,要使嘅錢都唔少。

OiKa.hk統計調查476間婚宴場地價格,以基本菜單嘅中位數計算,2015第3季於酒店擺酒,每圍平均要$10,602,酒樓要$6,373,會所及其他場地要$9,557。就算喺酒樓擺酒,你收人情都要人人俾$531,你先回到本啊!

而根據ESDlife嘅最新調查結果,每對新人平均係婚宴酒席花費達$159,629,加埋戒指及首飾、蜜月旅行同婚紗攝影,平均每對新人嘅開支達$272,280!另一由富通保險做嘅調查,得出嘅結果都差唔多,每對新人平均開支要$30萬。即使人情可以彌補部分嘅開支,兩個人分別都要拎10萬出嚟……未得住,你係唔係確定婚禮嘅開支,係兩個人一人一半咁負擔先?接下來我哋睇下,到底一般來說,結婚開支由誰負責?

男女責任大不同 重點都係互尊重

結婚開支繁多,而且又係涉及兩個家庭,唔再係兩個人嘅事,要傾男家定女家負擔支出就係一件麻煩事。其實開支誰付,都係要睇雙方嘅負擔能力同意願,好難一概而論,但有啲一般做法,可以俾大家參考下:

1)禮金:禮金當然係由男方負擔,但而家好多時女家唔想好似賣女咁,都唔一定收好貴嘅禮金,有時甚至唔收添。但無論如何,禮金呢部份,一定係男方負責嘅。

2)過大禮:無論你哋要六禮定十二禮,仲有頭尾禮,如果有收禮金,一般都係女方負責。但如果女方不收禮金,男方就應該負責番呢部份喇。

3)喜餅:根據禮俗,喜餅都係男方負責。

4)女家置裝費用:雖然唔一定會,但有部分女家會要求女家至親喺婚禮當日嘅置裝費用。其實如果女家開到聲,男家好多時都要負擔呢部份嘅開支。但嫁衣跟傳統就係女家俾嘅。

5)婚禮攝影:無一定標準,就是看雙方嘅經濟狀況。

冇錯,一般來說,男方要俾嘅錢係比女方多啲,所以如果你搵到一個肯同你一人一半嘅女人,咁就恭喜你喇!而如果你係一個肯同男人分擔開支嘅女人,都祝你早日搵到如意郎君!

溫馨提示:結婚使費條數諗唔掂?也許你需要考慮私人貸款,讓自己有額外的資金實現結婚大計之餘,更可有計劃地規劃未來的支出。想了解更多,即上我們的比較平台

(文章由 MoneyHero.com.hk 提供:由拍拖到開花結果,要使幾多錢?香港戀愛 結婚 成本大搜查

Moneyhero