FINANCE

5成準新人表示:要有100萬先結婚!

喺香港, 結婚要使幾多錢,到底要有乜嘢條件,從來都係熱門話題之一。不過,當你同伴侶就住 結婚 有乜嘢條件,傾到面紅耳熱時,或者可以參考下其他同路人嘅意見,等你哋有更多資料去討論……MoneyHero.com.hk早前就男女關係做了一次問卷調查,大概可以話你知,關於結婚,香港人到底係點諗。原來有近5成準新人認為,要結婚,先要有$100萬!

要結婚 ,最重要有……

喺香港,你要結婚 ,好明顯,首先你要有……女(男)朋友先啦。唔好以為我哋講笑,其實有數據支持。喺有計劃結婚人士中,超過8成(82.2%)係因為搵到理想伴侶,先諗住結婚。相對嚟講,因為有財政基礎而諗住結婚嘅,只有17.8%。

結婚理想月入

以為搵得錢多,就一定有利結婚?原來好多人唔係咁諗!有計劃結婚人士當中,接近一半(49.3%)覺得自己嘅理想月入應該係$25,000到$50,000水平;覺得自己要搵$50,000以上嘅,只有12.3%!好可能係因為結婚有時間性,而月入$50,000條路,對好多人來說都遙不可及吧!何況,當你月入$50,000時,都唔一定想結婚,或者已經冇時間結婚了……

男女要求大不同

有趣而又合埋嘅係,女性對伴侶收入嘅要求,係比男性對伴侶要求為高。有接近一半(48.8%)嘅有計劃結婚女士認為,伴侶應該月薪有$25,000到$50,000水平,而有同樣諗法嘅男士只有27.3%。而有計劃結婚男士,最多覺得伴侶應該搵$15,000至$25,000水平,佔整體一半(50.0%)。

儲兩年收入,難唔難?

結婚都係求穩定。除了關係嘅穩定,二人財務上嘅穩定都好重要。有計劃結婚人士中,有接近一半(47.9%)覺得二人合共要有$100萬資產或以上(包括現金、物業等),先好結婚。配合番理想月入,大概就係2個人2年左右的收入。你同伴侶,又有冇儲到2年嘅收入呢?

借貸結婚率偏低

結婚係有時間性,但受訪嘅有計劃結婚人士中,有76.7%選擇動用到自己積蓄去應付婚禮。要儲2年嘅總收入又談何容易呢?難怪咁多情侶,係等待結婚嘅階段無以為繼啦。另一邊廂,表示會選擇私人貸款應付結婚開支的,只有6.8%。

相關閱讀:INFOGRAPHIC:究竟結婚要用幾多錢?

其實,結婚開支五花八門,難免要結婚人士覺得要儲咁多錢先結到婚。但其實適當使用私人貸款,其實可以減輕準夫婦二人嘅結婚時嘅財政壓力,令一生人一次嘅婚禮變得更順暢。有考慮結婚嘅朋友,你哋又有無面對財政壓力呢?

Moneyhero